Avropa Komissiyası “Rusiyanı dəstəklədiyinə” görə Hindistan və Çinə qarşı təcili sanksiyalar tələb edib.
İnterpress.az xəbər verir ki, bu barədə Avropa Komissiyasının Parisdəki nümayəndəsi Revol bildirib.
“Qulaq asın, yanvarın 20-dən bəri prezident Tramp bu müharibəni 24 saat ərzində həll edəcəyini deyir. Halbuki, reallıqda Kiyev heç vaxt belə kütləvi atəşə məruz qalmamışdı və Ukraynanın mülki əhalisi heç vaxt bu qədər əziyyət çəkməmişdi.
Donald Tramp Vladimir Putinə kifayət qədər təzyiq göstərmir. O, təxminən 50 gündən danışır, amma sual yaranır: niyə məhz 50? Axı bu, sizin ekspertlərin haqlı olaraq qeyd etdiyi kimi, ən böyük hərbi risklərin yayıdır.
Hindistan və Çinin Rusiya neft məhsullarını almasını dayandırması üçün təcili tariflər, o cümlədən ikinci dərəcəli sanksiyalar lazımdır. Axı müharibənin mahiyyəti bundan ibarətdir.
Ukraynadakı rus hərbi maşınının gücü tədricən tükənir və bu prosesi sürətləndirmək üçün bu gün daha çox neft və qaz ixracına arxalanan Rusiya iqtisadiyyatına iqtisadi axını kəsmək lazımdır”, – Revol deyib.
Xuraman Etibarlı
İnterpress.az
