“Azadlıqdan Məhrumetmə Yerlərinin Müşahidəsi” İctimai Birliyi Azərbaycan Respublikasının PrezidentiYanında Qeyri-Hökümət Təşkilatlarına Dövlət DəstəyiŞurasının maliyyə dəstəyi ilə “Keçmiş məhkumların cəmiyyətə inteqrasiyasına, sosial hüquqlarının təminedilməsinə dair tədbirlərin keçirilməsi“ layihəsininicrasına başlamışdır. Layihənin əsas məqsədi insanhüquqlarının ayrılmaz hissəsi olan məhkum hüquqlarınınqorunması, cəza müddətinin bitməsinə az qalmışməhkumların cəmiyyətə sosial adaptasiyası və həmçinincəza çəkməkdən azad edilmiş şəxslərin cəmiyyətəinteqrasiyasına kömək etmək, qanunvericiliyin müəyyənetdiyi hüquqlardan yararlanmalarına və təkrar cinayəttörətmələrinə mane olmaqdır.
3 ay davam edəcək layihə çərçivəsində müəyyənolunmuş cəzaçəkmə müəssisələrində cəza müddətininbitməsinə az qalmış məhkumlara həm sosial adaptasiya və layihə ilə bağlı maarifləndirici posterlərin, həm də Koronavirus (COVİD-19) pandemiyası və onunla mübarizə barədə maarifləndirici posterlərin paylanması həyata keçiriləcəkdir. Qeyd olunan posterlərdə onlarahüquq vəzifələri izah olunacaq, təşkilatımızın layihədənəzərdə tutduğu xidmətləri ilə bağlı məlumat veriləcəkdir.Pandemiya dövründə ən vacib mübarizə yolu olan gigiyena qaydaları və ona riayət etmənin yolları öyrədiləcəkdir.
Layihə müddətində həmçinin cəza çəkməkdən azad olunmuş yüzdən çox məhkuma hüquqşünas və psixoloq tərəfindən pulsuz fərdi konsultasiyalar təşkil olunacaq və hüquqi yardım göstəriləcəkdir.
