İspaniyanın şərqindəki Barselona şəhəri yaxınlığında şəhərətrafı qatarın relsləri keçən qrupu vurması nəticəsində 4 nəfərin öldüyü açıqlanıb.
Bu barədə İnterpress.az xarici mediaya istinadən xəbər verir.
Barselonada qatarın relsləri keçən qrupu vurması nəticəsində 4 nəfər ölüb Kataloniya muxtariyyətinin Mülki Müdafiə Baş Müdirliyindən verilən məlumatda, 7 nəfərlik bir qrup piyadaların keçə biləcəyi nöqtədə relsləri keçmək istəyərkən qatarın vurması nəticəsində 4 nəfərin öldüyü bildirilib. Barselona yaxınlığındakı Valles Şərq bölgəsində. Bildirilib ki, yerli vaxtla saat 20.18-də (GMT 21.18) baş verən qatar qəzası “piyadaların relslər üzərində keçidinin qadağan olunduğu, dolanışığın və görünmənin çətinləşdiyi nöqtədə olub”. Yerli hökumət rəsmiləri qəzada ölənlərin rayona konsertə getmək üçün qatar relsini keçməyə çalışan bir qrup gənc olduğunu bildirib. Qəza nəticəsində qatarın hadisə yerində dayandığı, sərnişinlərin avtobuslarla daşındığı və R3 şəhərətrafı qatar xəttinin müvəqqəti bağlandığı bildirilib.
