Xüsusi karantin rejimi dövründə Bakının Sabunçu rayonunun Maştağa və Nardaran qəsəbələrinin iki sakini çətənə yetişdirməklə məşğul olub.
Mayın 19-da keçirilmiş əməliyyat-axtarış tədbirləri nəticəsində polis əməkdaşları tərəfindən ümumi çəkisi 2 kiloqram 485 qram olan 123 narkotik tərkibli bitki kolu aşkarlanıb.
Bu barədə hüquq-mühafizə orqanlarından məlumat verilib.
1992-ci il təvəllüdlü Maştağa sakini Məşədi Bağırov öz sahəsində 43 çətənə kolu yetişdirdiyinə görə tutulub.
1985-ci il təvəllüdlü Nardaran sakini Ağarzu Ağayev 1 kiloqram 805 qram ağırlığında 83 çətənə kolu yetişdirdiyinə görə məsuliyyətə cəlb edilib.
Narkotik tərkibli bitkilər satış üçün becərilib.
Faktlarla bağlı cinayət işi başlanıb, araşdırma aparılır.
İnterpress.az
