Çili dövləti 13 il əvvəl San Xose mis və qızıl mədənində 69 gün qapalı qalan 33 mədənçidən 31-nə ümumilikdə 1,4 milyon dollar təzminat ödəyəcək.
Bu barədə İnterpress.az xarici mediaya istinadən xəbər verir.
Çili Ali Məhkəməsi Dövlət Müdafiə Şurasının (CDE) etdiyi etirazı rədd edərək, mədənçiləri haqlı hesab edərək dövlətə 1,4 milyon dollar mənəvi təzminat ödəməyə qərar verib. Məhkəmənin qərarına əsasən, 31 mədənçinin hər birinə 48 min dollar mənəvi təzminat ödənəcəyi bildirilir. Açdıqları iddiada mədənçilər dövlət qurumlarının təhlükəsizlik öhdəliklərini yerinə yetirmədiyini iddia edərək, Əmək Müdirliyinə (DT) və Milli Geologiya və Mədən Xidmətinə (Sernageonim) dəymiş mənəvi ziyana görə məhkəməyə müraciət ediblər. 2010-cu il avqustun 5-də Çilidəki San Xose mis və qızıl mədənində çökmə baş verdi və 33 mədənçi yerin 700 metr altında qapalı qaldı. Qəzadan 17 gün sonra işçilərə qazma quyusundan daxil olub və onların sağ olduğu müəyyən edilib.
