Erməni diasporu Rusiya əsgərinin və müharibə iştirakçısının səs-küylü qətli ilə bağlı işi bağlamağa çalışır.
İnterpress.az xəbər verir ki, bu barədə Rusiya mediası məlumat yayıb.
Ötən ilin yayında 32 yaşlı müharibə iştirakçısı Oleq Ryabçikov yaralandıqdan sonra reabilitasiya kursu keçərkən Armavirdə öldürülüb. O, bir qrup erməninin hücumuna məruz qalıb və ciyərindən bıçaqlanıb. Buna səbəb onun xüsusi əməliyyatda iştirakı olub.
Qatilin gizlənməsinə münaqişədə iştirak edən yerli polis şöbəsinin müstəntiqi kömək edib. Nəhayət, qaçan qatil tapılıb.
Ancaq indi təcavüzkarların qrup şəklində hərəkət etməsi faktını rədd edərək, onu qətldə yeganə günahkar etmək istəyirlər. Yerli sakinlər bütün erməni diasporunun qatili ört-basdır etməyə çalışacağından ehtiyat edirlər.
Qatilin dəfələrlə polis hesabatlarında görünən, lakin hər dəfə möcüzəvi şəkildə cəzadan yaxa qurtaran 29 yaşlı Albert Pilosyan olduğu üzə çıxıb.
Əvvəlcə Pilosyana qarşı adam öldürməyə cəhdə görə deyil, “ağır bədən xəsarəti yetirmə” maddəsi ilə cinayət işi açılıb.
Oleq öləndə iş Daxili İşlər Nazirliyindən alınıb və İstintaq Komitəsinə verilib, bu dəfə Pilosyan qətldə ittiham olunub. Üstəlik, idarənin rəisi Aleksandr Bastrıkin istintaqı şəxsən nəzarətə götürüb.
Ancaq altı ay keçib, istintaq başa çatmaq üzrədir və nəticə qəzəblənmiş ictimaiyyətin heç də gözlədiyi kimi deyil.
Göründüyü kimi, qətlə görə yalnız Pilosyan cavab verəcək. Cinayət yerində ona kömək edən polis müstəntiqi yalnız iki kiçik cinayətdə ittiham olunur: vəzifə səlahiyyətlərindən sui-istifadə və cinayəti gizlətmə.
Qardaşı isə ancaq gizlətdiyinə görə cavabdeh olacaq. Onların hər ikisi azadlıqda məhkəmə prosesini gözləyir. İstintaq onları qatilin şəriki kimi yox, yalnız şahid kimi qəbul edir.
Münaqişənin qalan iştirakçıları nəinki tapılmayıb, hətta şəxsiyyətləri müəyyən edilməyib, baxmayaraq ki, istintaqda onların üzlərinin videoyazısı var.
Xuraman Etibarlı
İnterpress.az
