Ermənistan beynəlxalq tranzit dəhlizinin yaradılması ilə bağlı Aşqabad sazişinə qoşulacaq.
İnterpress.az xəbər verir ki, Ermənistan hökuməti bu qərarı mayın 8-də keçirilən iclasında təsdiqləyib.
Layihəyə əsasən, İran, Oman, Qətər, Türkmənistan və Özbəkistan arasında beynəlxalq nəqliyyat və tranzit dəhlizinin yaradılması haqqında sazişə qoşulması Ermənistanın Mərkəzi Asiya ölkələri ilə Fars körfəzi limanları arasında nəqliyyat dəhlizinə inteqrasiyası üçün yeni imkanlar açacaq.
Hökumət vurğulayıb ki, Aşqabad sazişi “Dünyanın kəsişməsi” layihəsinin əsas prinsiplərinə uyğundur və regionda nəqliyyat əlaqələrinin və iqtisadi əməkdaşlığın gücləndirilməsinə kömək edəcək.
Xuraman Etibarlı
İnterpress.az
