Fars körfəzi ölkələri ABŞ-nin İrana hücumları üçün tramplin olmaqdan imtina edir.
İnterpress.az xəbər verir ki, bu barədə “Middle East Eye” yüksək rütbəli amerikalı məmura istinadən məlumat verib.
ABŞ-nin B-2 bombardmançı təyyarələrini Dieqo Qarsiyaya yerləşdirmək qərarı Körfəz ərəb liderlərinin İranla müharibə olacağı təqdirdə öz hava məkanını ABŞ hərbi təyyarələri üçün bağladıqları bir vaxta təsadüf edir.
Onun sözlərinə görə, Səudiyyə Ərəbistanı, BƏƏ, Qətər və Küveyt ABŞ-yə hava məkanının və ya ərazilərinin yanacaq doldurma və xilasetmə əməliyyatları da daxil olmaqla, İrana hücum üçün hazırlıq sahəsi kimi istifadə edilməsinə icazə verməyəcəklərini bildiriblər.
“Körfəz ölkələrinin barışmazlığı Tehranı nüvə sazişi ilə bağlı danışıqlar masasına oturtmağa məcbur etmək üçün güc nümayişi kimi Yəməndə husilərə qarşı kütləvi hava hücumlarından istifadə etməyi ümid edən Tramp administrasiyası üçün uğursuzluqdur…
İran hiss edərsə ki, ABŞ-nin neftlə zəngin ərəb müttəfiqləri zərbələrə razı deyillər, bu, onların danışıqlarda olmayan mövqeyini sərtləşdirə bilər”, – məqalədə qeyd olunur.
Xuraman Etibarlı
İnterpress.az
