Fransada dövlət məmurlarının vaxta qənaət etmək üçün “ChatGPT” kimi süni intellekt tətbiqləri ilə qarşılaşacaqları bildirilir.
Bu barədə İnterpress.az xarici mediaya istinadən xəbər verir.
Bu çərçivədə ilk mərhələdə dövlət qurumlarında çalışan 1000 işçi əməliyyatlarda “ChatGPT” və “Llama 2” kimi mətn əsaslı süni intellekt sistemlərindən istifadə edəcək.
Dövlət məmurları istifadəçilərin vergi tənzimlənməsi, pensiyaların ödənilməsi, sosial müavinətlərlə bağlı suallarını cavablandırmaq üçün süni intellektdən istifadə edəcəklər.
Bu yolla süni intellekt daxil olan sorğuları qiymətləndirəcək və avtomatik cavab verəcək. Bununla belə, süni intellektin verdiyi cavablar sistemin tətbiq oluna biləcəyini ölçmək üçün səlahiyyətli şəxslər tərəfindən yoxlanılacaq.
Tətbiqlə dövlət xidmətlərindəki kadr çatışmazlığını doldurmaq, mövcud kadrların, texnologiyadan istifadə etməkdə çətinlik çəkən yaşlıların sual və tələblərinə operativ cavab vermək, əməliyyatlarda vaxta qənaət etmək məqsədi daşıyır.
Hökumətin bu tətbiqi ifrat sağçılar tərəfindən süni zəkanın insanların yerini alacağı səbəbiylə tənqid edilib, sol tərəf bunun rəsmi əməliyyatlarda darboğazın zəmini açacağını düşünür.
