Varşavada keçirilən güləş üzrə “Poland Open” turnirində Hacı Əliyev bürünc medal qazana bilər.
Turnirdə 70 kq-da iştirakçı sayı az olduğu üçün görüşlər qrup sistemi ilə keçirilib.
Hacı Əliyev A qrupunda yer alıb. Titullu güləşçimiz ilk turda Özbəkistan pəhləvanı Siracəddin Həsənov üzərində inamlı qələbə qazanıb – 8:2. Həmyerlimiz daha sonra qazax həmkarını Sirbaz Talqata 13:2 qalib gəlməklə, görüşün vaxtından əvvəl başa çatmasına səbəb olub. Üçüncü turda gürcü rəqibi Zurab Yakobişvilidən də güclü olan (3:0) Əliyev qrup qalibi kimi yarımfinala yüksəlib. Ancaq bürünc medal uğrunda görüşdə ABŞ təmsilçisi Alek Pantaleoya xalların keyfiyyətinə görə (6:6) uduzub.
Bakı vaxtı ilə saat 20:00-da medallar uğrunda qarşılaşmalara start veriləcək. Onun bürünc medal üçün rəqibi əvvəl qalib gəldiyi Zurab Yakobişvili olacaq.
Olimpiya çempionu Şərif Şərifov isə pley-off sistemiylə yarışıb və debütdə İtaliya təmsilçisi Abraham Ruanoya xalların keyfiyyəti prinsipinə əsasən məğlub olub – 2:2.
İnterpress.az
