İrəvanda mitinq zamanı bir iştirakçı digərini yaralayıb.
İnterpress.az erməni mediasına istinadla xəbər verir ki, bu barədə İstintaq Komitəsi məlumat yayıb.
İrəvanda Müqəddəs Anna kilsəsinin həyətində mayın 30-da axşam saatlarında mitinq zamanı iştirakçılar arasında dava düşüb.
Mübahisə zamanı biri digərinin üzünə kəsici-deşici əşya ilə zərbələr endirib.
Şübhəli saxlanılıb, cinayət törətdiyi iddia edilən silah müsadirə edilib. Faktla bağlı cinayət işi başlanıb. Şahidlər dindirilib, ekspertizalar təyin edilib.
Xuraman Etibarlı
İnterpress.az
