Rusiyada sərxoş sürücü yol polisi əməkdaşlarına rüşvət kimi iki qoyun təklif edib.
İnterpress.az xəbər verir ki, bu barədə Rusiya mediası məlumat yayıb. Hadisə Stavropol diyarında baş verib.
Məlumata görə, yol polisi əməkdaşları sənədləri yoxlamaq üçün sürücünü saxlayıblar. Yoxlama zamanı onun sərxoş olduğu müəyyən edilib.
Sürücü protokol tərtib edilməməsi müqabilində polis əməkdaşlarına iki qoyun təklif edib. Lakin polis əməkdaşları təklifi qəbul etməyib.
Hazırda sürücünü rüşvət verməyə cəhdə görə cinayət işi gözləyir.
Xuraman Etibarlı
İnterpress.az
