Tokioda Rusiya səfirliyinə aid olduğu ehtimal edilən avtomobil qəzaya düşüb.
İnterpress.az xəbər verir ki, bu barədə “Kyodo” agentliyi məlumat yayıb.
Yaponiyanın paytaxtı Tokioda Rusiya səfirliyinə aid olduğu ehtimal edilən avtomobilin iştirakı ilə yol-nəqliyyat hadisəsi baş verib.
“Kyodo” agentliyinin məlumatına görə, qəza paytaxtın mərkəzində, Yaponiyanın Xarici İşlər Nazirliyinin binasının qarşısındakı yolda baş verib.
Hadisə nəticəsində ən azı 4 nəfərin xəsarət aldığı bildirilir.
Xuraman Etibarlı
İnterpress.az
