İsrail ordusu Livandakı “Radwan” hədəflərinə hava zərbələri endirib.
İnterpress.az xəbər verir ki, bu barədə İsrail ordusunun mətbuat xidməti məlumat yayıb.
İsrail Hərbi Hava Qüvvələri Livanın şərqindəki Bekaa bölgəsində Hizbullahın elit “Radvan” xüsusi təyinatlı bölməsinin hərbi hədəflərinə bir sıra hava zərbələri endirib.
Zərbələr bölmənin yaraqlıların və silah anbarlarının tapıldığı hərbi düşərgələri hədəfə alıb.
Bu obyektlər həmçinin İsrail qüvvələrinə qarşı terror hücumları planlaşdırmaq və həyata keçirmək üçün yaraqlıları hazırlamaq üçün təlim üçün istifadə edilib.
Ordunun mətbuat xidmətinin bəyanatında deyilir: “Hizbullahın bu obyektlərdə silah saxlaması və fəaliyyəti İsrail və Livan arasında razılaşmaların kobud şəkildə pozulmasıdır və İsrail üçün təhlükədir”.
Xuraman Etibarlı
İnterpress.az
