İsrail ordusu Əs-Suveydada Suriya ordusunun maşınlarına zərbələr endirdiyini təsdiqləyib.
İnterpress.az xəbər verir ki, bu barədə İsrail ordusunun mətbuat xidməti məlumat yayıb.
Məlumata görə, ordu ölkənin siyasi rəhbərliyinin göstərişi ilə Suriyanın cənubundakı Əs-Suveydada Suriya hökumətinin maşınlarına zərbələr endirdiyini bildirib.
Zərbələr bir neçə zirehli texnikanın, o cümlədən tankların, zirehli transportyorların və minaatanların, eləcə də yolların yuxarıda qeyd olunan əraziyə yaxınlaşmasının qarşısını almaq üçün hədəfə alınıb.
“İsrail ordusu hadisələri izləməyə, müdafiəyə və müxtəlif ssenarilərə hazırlaşmağa davam edir”, – mətbuat xidmətinin bəyanatında deyilir.
Eyni zamanda Suriya İnsan Haqlarını Müşahidə Qrupu (SOHR) Əs-Suveydada silahlı toqquşmalar nəticəsində 116 nəfərin həlak olduğunu, onlardan 64-nün druzi, 52-nin isə suriyalı əsgər və silahlı bədəvi olduğunu bildirir.
Bu gün səhər saatlarında baş nazir Netanyahu və İsrailin müdafiə naziri Katz birgə bəyanat verərək, ölkənin bu hissəsindəki druz icmalarına hücumların qarşısını almaq üçün Suriya rejimi qüvvələrinə zərbələr endirmək əmri verdiklərini açıqlayıblar.
Xuraman Etibarlı
İnterpress.az
