Kanadanın Kalqari şəhərinin qərbində dağlıq ərazidə yerləşən Kananaskisdə 6 nəfərin olduğu tək mühərrikli Piper PA-32 qəzaya uğrayıb.
Bu barədə İnterpress.az yerli mediaya istinadən xəbər verir.
Təyyarədə aralarında pilot da daxil olmaqla 6 nəfərin öldüyü bildirilib.
Yerli vaxtla saat 21:30 radələrində təyyarə ilə əlaqənin tamamilə kəsildiyi və təyyarənin gecikdiyi bildirilib, sonra Kanada Kral Hərbi Hava Qüvvələri (RCAF) tərəfindən axtarışa başlanıldığını qeyd edilib.
Axtarış işləri nəticəsində təyyarənin qalıqları tapılıb və 6 nəfərin cəsədi aşkar olunub.
