İsrail ordusu 7 oktyabr hücumunda iştirak edən HƏMAS komandirini öldürüb.
İnterpress.az xəbər verir ki, bu barədə İsrail Müdafiə Ordusunun (IDF) mətbuat xidməti məlumat yayıb.
Bildirilib ki, İsrail ordusu Qəzzanın Xan-Yunis bölgəsinə endirdiyi zərbə nəticəsində HƏMAS-ın hərbi qanadının komandiri İbrahim Aləmi öldürüb.
İsrail tərəfinin məlumatına görə, Aləm 7 oktyabr hücumu zamanı İsrail ərazisinə daxil olub, israilli vətəndaşların öldürülməsində, həmçinin çavuş Şaked Dahanın meyitinin Qəzzaya aparılmasında iştirak edib.
Məlumata görə, İsrail ordusu daha bir zərbə zamanı HƏMAS-ın hərbi qanadının üzvü Mutazim Məhəmməd Süleyman Salahı da öldürüb.
Xuraman Etibarlı
İnterpress.az
