Kanadanın Şimal-Qərb Ərazilərində yanğınlar davam etdiyi üçün təxliyyə əmri verilən Hay River şəhəri boşaldılır.
Bu barədə İnterpress.az xarici mediaya istinadən xəbər verir.
Kanadanın Şimal-Qərb Ərazilərində davam edən meşə yanğınlarını nəzarət altına almaq mümkün deyil. Alovun yaxınlaşdığı Hay River şəhərinin bütünlüklə boşaldılması qərara alınıb.
Şimal-Qərb Əraziləri Yanğından Mühafizə İdarəsindən Mayk Vestvik açıqlamasında deyib: “Yanğın inanılmaz şəkildə sürətlə gedir. Reallıq odur ki, şəhərə çatmaq üçün ciddi təhlükə var”.
Şəhərdə başlayan təxliyə prosesi davam edir.
Digər tərəfdən, keçən həftə Şimal-Qərb Ərazilərində fövqəladə vəziyyət elan edilib və bu, bölgənin bütün paytaxtı Yellowknife da daxil olmaqla 50 mindən çox insanı evlərini tərk etməyə məcbur edib.
Ən çox aktiv yanğınlar Şimal-Qərb Ərazilərindədir.
Kanada Qurumlararası Meşə Yanğın Mərkəzinin (CIFFC) məlumatına görə, ölkə üzrə 1,31 nöqtədə alovla mübarizə davam edir. Yanğınların 663-ü nəzarətdən çıxsa da, 213-ü nəzarət altına alınıb.
Ən aktiv yanğınlar Britaniya Kolumbiyasında 364 yanğın, Şimal-Qərb Ərazilərində 239 və Yukonda 143 yanğınla davam edir. Bildirilib ki, Kanadada 2023-cü il meşə yanğınları mövsümü “ölkə tarixində ən pis meşə yanğınları mövsümü”dür.
