Chiapas əyalət prokurorları, əyalətin Siltepec bölgəsindən 50 kilometr uzaqlıqdakı sərhəd bölgəsində immiqrant marşrutu kimi tanınan yolda bir pikap maşınına silahlı hücum edildiyini açıqlayıb.
Bu barədə İnterpress.az xarici mediaya istinadən xəbər verir.
Hücum zamanı yük maşınında olan 6 nəfər həlak olub.
Bölgənin immiqrant marşrutu kimi tanınmasına baxmayaraq, son vaxtlar Jalisco və Sinaloa kartelləri arasında hakimiyyət mübarizəsinə səhnə olduğu da bildirilir.
Hücum nəticəsində ölən şəxslərin kimliyi və ya mühacir olub-olmaması ilə bağlı məlumatlar paylaşılmayıb.
Hücumdan sonra bölgənin ən böyük şəhəri olan Motozintlada kartellərin bölgə sakinlərini hədələdiyini və qəsb etdiklərini iddia edən xalq etiraz edib.
