Moldova hökuməti qanunları və MDB ilə beynəlxalq müqavilələri Avropa İttifaqının (Aİ) norma və tələbləri ilə ziddiyyətlərə görə təhlil edəcək.
PRO TV xəbər verir ki, bunu ölkənin xarici işlər naziri Niku Popesku deyib.
XİN rəhbəri qeyd edib ki, MDB ilə bağlı mövcud qaydalar Moldovanın Avropa İttifaqına üzvlüklə bağlı fəaliyyətinə mane olmamalıdır. Onun sözlərinə görə, MDB məkanında imzalanmış sazişlərin əksəriyyəti ölkənin Avropa istəklərinə uyğunluq süzgəcindən çoxdan keçib.
