Hindistanın bəndlərdən daha çox su boşaltması və leysan yağışlar səbəbiylə Pakistana uzanan Sutlej çayında suyun səviyyəsinin qalxması nəticəsində daşqın təhlükəsi səbəbiylə bölgədən 100 mindən çox insan təxliyə edilib.
Bu barədə İnterpress.az xarici mediaya istinadən xəbər verir.
Pəncab Xilasetmə sözçüsü Diba Şahnaz iyulun 9-dan bəri şimaldakı Kasur, Pakpattan, Vehari, Bahavalnaqar, Lodhran, Multan və Bahavalpur bölgələrindən 100 mindən çox insanın təxliyə edildiyini bildirib.
Şahnaz deyib ki, iyulun 9-dan bəri baş verən daşqınlar nəticəsində 17 nəfər ölüb, 36 nəfər yaralanıb.
Pəncab əyalətinin baş naziri Seyid Muhsin Rza Nəkvi son daşqınları son 35 ilin ən pisi təbiət hadisəsi adlandırıb.
Dünya Bankının zəmanəti ilə 1960-cı ildə Pakistan və Hindistan arasında imzalanan Hind Suları Müqaviləsinə görə, Hind çayını qidalandıran Beas, Ravi və Sutlej 6 çayının nəzarəti Hindistana verilir. Hind, Jelum və Çenaba nəzarət də Pakistana verilib.
Hindistana verilən çaylar Hind çayını daha çox qidalandırdığı üçün Pakistana bu çaylar üzərində hüquqlar verildi. Razılaşmaya Hindistanın elektrik enerjisi istehsalı, kənd təsərrüfatı və balıqçılıq hüquqlarına malik olması bəndi daxil edilib.
Hindistan tərəfindən tikilən bəndlər səbəbindən Pakistanda su çatışmazlığı və ya daşqın riski var.
Pakistan iqtisadiyyatının 20 faizinin Hind çayı ətrafındakı fəaliyyətlərdən asılı olduğu bildirilir.
