Atlantik Okeanı ilə Sakit Okeanı birləşdirən dünyanın ən mühüm kanallarından biri olan Panama kanalı narahatlıq doğurur.
Bu barədə İnterpress.az xarici mediaya istinadən xəbər verir.
Quraqlıq səbəbindən gəmilərin keçidi məhdudlaşdırılıb. Kanala girə bilməyən və buxtada gözləyən onlarla gəmi qlobal ticarətə zərbə vura bilər.
Panama Kanalı İdarəsi bildirib ki, tranzitlərin maksimum sayı sentyabrın 2-dək gündə 32 gəmi ilə məhdudlaşdırılacaq.
Atlantika ilə Sakit okeanı birləşdirən 80 kilometrdən çox su yoluna məhdudiyyətlər Mərkəzi Amerika regionunda yağıntının az olmasından sonra qoyulub.
Dünyanın ən işlək ticarət keçidlərindən biri olan kanalda yaşanan sıxlıq tez-tez su yolundan istifadə edən şirkətləri alternativ yollar axtarmağa vadar edib.
Panama Kanalı Çin və ABŞ arasında ticarət edən böyük pərakəndə satıcılar və enerji şirkətləri də daxil olmaqla bir çox yükgöndərənlər üçün xərcləri və tranzit vaxtlarını azaldır.
Avqustun 10-na olan məlumata görə, kanalın yaxınlığında 161 gəmi olub.
El Nino hava hadisəsinin yaratdığı quraqlıq su təchizatına təzyiq göstərdiyi üçün ilin əvvəlindən kanal bir sıra dərinlik məhdudiyyətləri tətbiq edib.
Bununla birlikdə, kanal iyun ayında gəmilərin daha asan keçə bilməsi üçün yüklərini yüngülləşdirmələrini tələb edən əlavə məhdudiyyətləri gecikdirib.
