Barnaulda attraksionun qopması nəticəsində iki uşaq ağır xəsarət alıb.
İnterpress.az xəbər verir ki, bu barədə Rusiya KİV-ləri məlumat yayıb.
Hadisə Barnaul şəhərindəki “Arlekino” parkında baş verib.
Attraksionda kassa formalı oturacaq həərəkətdə olarkən anidən karuseldən qoparaq ərazidəki çəpərə çırpılıb.
Qəza zamanı oturacaqda olan 2 və 11 yaşlı iki qardaş müxtəlif dərəcəli çoxsaylı bədən xəsarətləri alıblar.
Yaralı uşaqlar dərhal xəstəxanaya yerləşdiriliblər.
Faktla bağlı artıq cinayət işi qaldırılıb, istintaq tədbirləri aparılır.
Xuraman Etibarlı
İnterpress.az
