Bu gün səhər saatlarında Rusiyanın bir sıra regionlarında fırtına küləyi baş verib, Xakasiyada fövqəladə vəziyyət elan edilib.
İnterrpress.az xəbər verir ki, bu barədə Rusiya mediası məlumat yayıb. Abakanda külək evlərin damını qoparır, avtobus dayanacaqlarını aşırır.
Xakasiya Fövqəladə Hallar Nazirliyi bəzi ərazilərdə küləyin sürətinin 25-30 m/s-ə çatacağı barədə xəbərdarlıq edib.
Sayanoqorskda elektrik xəttində qısaqapanma baş verib. Kuzbassın altı rayonunda, Altay diyarının beş rayonunda və Xakasiyada elektrik enerjisinin kütləvi şəkildə kəsilməsi baş verib.
Qasırğa küləyi Krasnoyarskın Novoselovo şəhərindəki avtovağzalı da dağıdıb və Krasnoyarskın özündə də tüğyan edir.
Külək səbəbindən ot yanğınları güclənib, yanğınların ərazisi artır və yanğın Krasnoyarsk hava limanına doğru gedən magistral yola yaxınlaşır.
İlk itkilər və ölən var. Krasnoyarsk sakini güclü küləkdən sonra eyvandan yıxılıb; onu xilas etmək mümkün olmadı. Külək nəticəsində yaşayış binasının dam örtüyünün uçması nəticəsində bir nəfər xəsarət alıb.
Xuraman Etibarlı
İnterrpress.az
