Şimali Koreya lideri Kim Çen Inın ABŞ və Cənubi Koreya orduları arasında birgə hərbi təlimin başlamasından sonra ölkəsinin strateji qanadlı raketlərinin sınaq buraxılışını izlədiyini əks etdirən foto yayılıb.
Bu barədə İnterpress.az xarici mediaya istinadən xəbər verir.
Şimali Koreyanın rəsmi Koreya Mərkəzi Xəbər Agentliyinin (KCNA) məlumatına görə, Kim silahları və müharibə hazırlıqlarını nəzərdən keçirmək üçün patrul gəmisinə yoxlama səfəri təşkil edib.
Səfərin tarixinin dəqiqləşdirilmədiyi xəbərdə Kimin səfərdən sonra strateji qanadlı raket buraxılış təlimini izlədiyi, Şimali Koreya liderinin patrul gəmisindən atılan raketi seyr edərkən fotosunun yayımlandığı bildirilib.
Şimali Koreyanın raket sınaqları ilə bağlı verilən açıqlamada gəminin təyin olunmuş hədəfləri “səhvsiz” vuraraq hücum qabiliyyətini və döyüşə hazır olduğunu göstərdiyi qeyd edilib.
Ölkənin donanması üçün güclü döyüş gəmilərinin yaradılması, gəmi və sualtı silah sistemlərinin modernləşdirilməsi istiqamətindəki səyləri dəstəkləyəcəyini bildirən Kim, gəmi ilə donanmanın təlimlərini gücləndirmələrini, döyüş hazırlığında hər zaman nümunə göstərmələrini və hər zaman liderlik etmələrini istəyib.
Hərbi Dəniz Qüvvələrini böyük ideoloji və mənəvi güc yaratmağa çağıran Kim bunun silahların ədədi və ya texniki üstünlüyündən daha vacib olduğunu söyləyib.
Cənubi Koreya Baş Qərargahından isə verilən bəyanatada, Şimali Koreyanın qanadlı raket sınaqları ilə bağlı açıqlamaların şişirdilmiş ifadələr olduğu və faktlara uyğun gəlmədiyi qeyd edilib.
Bəyanatda ordunun Şimali Koreyanın mümkün təxribatlarını “əzilmiş şəkildə məğlub etmək qabiliyyətinə” işarə edərək, hazırlığa davam edəcəyi bildirilir.
Analitiklər isə deyir ki, Şimali Koreya yaxınlaşan ABŞ hərbi gəmilərini vurmaq üçün qanadlı raketlərdən istifadə etməyi hədəfləyir.
Cənubi Koreya və ABŞ Cənubi Koreyada 11 gün davam edəcək “Ulchi Freedom Shield (UFS)” adlı birgə hərbi təlimlərə başlayıb.
Simulyasiya, birgə döyüş hazırlığı və Ulçi mülki müdafiə təlimi kimi fəaliyyətləri əhatə edən təlim çərçivəsində ümumilikdə 30 müxtəlif sahə araşdırması planlaşdırılır.
Keçən ilki təlimə əlavə olaraq, builki təlimdə qoşunların çevik hazırlığı və Şimali Koreyanın dezinformasiyasına qarşı təlimlər keçiriləcək.
Təlimdə döyüş təyyarəsi pilotlarına düşmən təyyarələrini aşkar edib onların qarşısını almaq, hava və raket hücumundan müdafiə qüvvələrinə mümkün raket hücumlarına cavab vermək üçün təlimlər keçiriləcək.
Təlimdə Birləşmiş Millətlər Təşkilatının (BMT) Cənubi Koreyadakı Komandanlığı, həmçinin ABŞ və Cənubi Koreya, həmçinin Avstraliya, Kanada, Fransa, Böyük Britaniya, Yunanıstan, İtaliya, Yeni Zelandiya, Filippin və Tailand iştirak edəcək.
Mütəxəssislər, sözügedən birgə təlimin Şimali Koreya başda olmaqla region ölkələri arasında gərginliyi artıracağını düşünür.
Cənubi Koreya prezidenti Yoon Suk-yeol, ABŞ prezidenti Co Bayden və Yaponiyanın baş naziri Kişida Fumio avqustun 19-da Merilend ştatının Kemp-Devid şəhərində keçirilən üçtərəfli sammitdə görüşüblər.
Liderlər sammitdə ölkələrin birgə işini təkmilləşdirmək barədə razılığa gəliblər.
Cənubi Koreya prezidenti Yoon üçtərəfli sammitin mütəmadi olaraq keçiriləcəyini bildirib.
“Biz razılaşdıq ki, bütün səviyyələrdə hökumət əməkdaşlarımız, o cümlədən xarici işlər nazirləri, müdafiə nazirləri və milli təhlükəsizlik müşavirləri üçtərəfli əməkdaşlığımızı yaxından əlaqələndirmək üçün hər il bir araya gəlsinlər”, – Yun deyib.
