Taliban hərəkatı ABŞ vətəndaşını həbsdən azad edib.
İntertpress.az xəbər verir ki, onun ötən ay Taliban tərəfindən heç bir ittiham irəli sürülmədən saxlanılan Fey Day Holl olduğu müəyyən edilib.
Onun azad edilməsi üçün danışıqlar Qətərin vasitəçiliyi ilə aparılıb.
Bu fonda 2025-ci ilin fevralında Taliban tərəfindən saxlanılan britaniyalı cütlüyün övladları Donald Trampa müraciət edərək onların azadlığa buraxılmasına köməklik göstərməsini xahiş ediblər.
Britaniyalılar ölkədə 18 il yaşayıblar və QHT-lər, dövlət qurumları və bizneslər üçün təhsil proqramları həyata keçirən təşkilata rəhbərlik ediblər. Onların saxlanma səbəbləri barədə heç nə məlum deyil.
Bundan əvvəl Taliban ABŞ vətəndaşı Corc Qlezmanı həbsdən azad edib.
Bunun ardınca Dövlət Departamenti və FTB üç yüksək vəzifəli Taliban liderinin – Haqqani ailəsinin üzvlərinin harada olması barədə məlumat üçün verilən mükafatı ləğv edib.
Xuraman Etibarlı
İntertpress.az
