Ordu ilə milislər arasında toqquşmaların davam etdiyi Efiopiyada fövqəladə vəziyyət elan edilib.
Bu barədə İnterpress.az xarici mediaya istinadən xəbər verir.
Efiopiyada 2022-ci ildə hökumətlə üsyankar Tiqray Xalq Azadlıq Cəbhəsi (TPLF) arasında sülh sazişi imzalanıb və daha sonra bölgədəki bütün təşkilatların tərksilah edilməsinə başlanıb.
Lakin ordu ilə birlikdə TPLF-ə qarşı döyüşən yerli milislərin silaha sarılmaqdan imtina etməsindən sonra toqquşmalar baş verib.
Bu həftənin əvvəlində ölkənin ikinci ən populyar bölgəsi olan Amharada Efiopiya Milli Qüvvələri ilə Fano milisləri arasında baş verən toqquşmalar tez bir zamanda təhlükəsizlik böhranına çevrilib.
Xüsusilə Efiopiyanın şimalındakı Amhara bölgəsində Fano milisləri ilə ordu arasında toqquşmaların şiddətlənməsi ilə əlaqədar federal hökumət fövqəladə vəziyyət elan edib. Hüquq sistemi çərçivəsində bu cür hərəkətləri nəzarət altında saxlamaq çətinləşdiyi üçün belə bir qərarın qəbul edildiyinin zəruriliyi bildirilib.
Fövqəladə vəziyyətin tətbiqi üçün parlamentin təsdiqi gözlənilir.
Fano qüvvələri TPLF-ə qarşı əməliyyatlarda federal qüvvələri dəstəkləyib.
