“SOCAR Enerqoresurs” baş direktoru Fərid Cəfərov və Rusiyanın Tümen vilayətinin qubernatoru Aleksandr Moor arasında sosial və iqtisadi əməkdaşlıq haqqında müqavilə bağlanılıb.
İnterpress.az xəbər verir ki, sənəd Tümen neft-qaz forumu çərçivəsində imzalanıb.
“SOCAR Enerqoresurs”un baş direktoru Fərid Cəfərov bildirib ki, bu saziş yaxın dörd il ərzində qarşılıqlı əməkdaşlığın əsas istiqamətlərini müəyyənləşdirəcək.
“Şirkətimiz yarandığı gündən bəri regional qurumlarla səmərəli, uzunmüddətli və qarşılıqlı faydalı əməkdaşlığa yönəlmiş hədəflər qurmağı planlaşdırır, bu da yalnız müəssisəmizin inkişafına deyil, həm də bütün Tümen vilayətinin iqtisadiyyatının və sosial sahəsinin inkişafı üçün əlverişli şərait yaratmağa kömək edəcək”, deyə “SOCAR Enerqoresurs”un baş direktoru bildirib.
Tərəflər Tümən vilayətinin sosial-iqtisadi inkişafının təmin edilməsi məsələlərini birgə həll etməyə, xeyriyyə proqramlarının və investisiya layihələrinin reallaşdırmasını dövlət və fərdi əməkdaşlıq formasında həyata keçirmək niyyətindədirlər.
İnterpress.az
