Tropik Karib dənizində ən uzunömürlü onurğalı olan Qrenlandiya köpəkbalığı aşkar edilib. Bu barədə İnterpress.az xarici mediaya istinadən xəbər verir. Dənizdə aparılan son araşdırmaya görə, bioloqlar təbii yaşayış yerindən minlərlə kilometr aralıda sirli soyuq su köpəkbalığı tapıblar.
Tropik Karib dənizində 250 ildən 500 ilə qədər heyrətamiz ömür sürən Yer kürəsində ən uzunömürlü onurğalı olan Qrenlandiya köpəkbalığı kəşf edilib.
Florida Beynəlxalq Universitetinin Yırtıcılar Ekologiyası Laboratoriyasından bioloq və Devanşi Kasana deyir: “Biz birdən suyun səthinin altında çox yavaş hərəkət edən, ləng bir məxluq gördük. Bu, tarixdən əvvəlki dövrlərdə mövcud olacaq bir şeyə bənzəyirdi”.
Kəşf bu Qrenlandiya köpəkbalığının Arktika sularından Karib dənizinə köç edib-etmədiyi və ya həyatının çox hissəsini bölgənin tropik sularının dərinliklərində keçirib-keçirmədiyi sualını gündəmə gətirib.
Bu sual cavabsız qalır, lakin daha çox sirli canlıların Karib dənizinin qaranlıq dərinliklərində gizləndiyi ehtimalı yüksəkdir.
Qrenlandiya köpəkbalığı minlərlə metr su altında, tam qaranlıqda yaşayır və nadir hallarda rast gəlinir.
Onların inanılmaz uzun ömürləri haqqında çox az təfərrüat məlumdur.
Suyun dərinliklərində yavaş-yavaş böyüyür, hərəkət edir və qocalırlar.
Enerjiyə qənaət edən, yavaş templi həyat tərzi qida maddələri olmayan dərin dənizlərə mühüm uyğunlaşmadır.
