Avstriyanın Zalsburq şəhərindəki zooparkda kərgədan tərəfindən ağır yaralanan gözətçi hadisə yerində dünyasını dəyişib.
Bu barədə İnterpress.az xarici mediaya istinadən xəbər verir.
Salzburq polisindən verilən açıqlamada kərgədanın 33 yaşlı qadın qulluqçuya gündəlik qulluq və təmizlik işləri apararkən hücum etdiyi və baxıcının ağır yaralanaraq öldüyü bildirilib.
Açıqlamada qadın heyətə kömək etməyə gələn 34 yaşlı kişi baxıcının kərgədan hücumuna məruz qalaraq ağır yaralanaraq xəstəxanaya yerləşdirildiyi bildirilib.
Zooparkın direktoru Sabine Grebner mətbuata açıqlamasında dünyasını dəyişən baxıcının çox təcrübəli, hər zaman diqqətli olduğunu və heyvanlara qarşı xüsusi istedadı olduğunu söyləyib.
Hadisənin rutin baxım zamanı baş verdiyini izah edən Grebner, 1,8 ton ağırlığındakı kərgədana həşəratlara qarşı krem sürərkən baxıcının hücuma məruz qaldığını və bu prosesin hər gün edilən adi bir məşq olduğunu deyib. Zooparkda 4 kərgədan olduğunu və onlara baxmağa öyrəşdiklərini bildirən Qrebner, 30 yaşlı kərgədanın niyə hücum etdiyini hələlik məlum olmadığını qeyd edib.
