“Bloomberg”in məzənnələr sistemində Dollar/Manat məzənnəsi tez-tez yenilənir. Dekabrın 22-i, Bakı vaxtı ilə 15:20-yə olan məlumata görə, 1 dollar 1,55 manata bərabərdir.
Sistemdə verilən məzənnədə dekabrın 21-dən baş verən kəskin enmə və qalxmalar çaşqınlıq yaradıb. Məsələn, dekabrın 22-də, Bakı vaxtı ilə 13:15-də Dollar/Manat məzənnəsi 1.0518 səviyyəsinə düşüb və 5 dəqiqə sonra yenidən 1,5511 səviyyəsinə yüksəlib. Dekabrın 21-də də belə vəziyyət 2 dəfə müşayiət olunub.
Valyuta bazarı (Forex) üzrə mütəxəssislər iddia edirlər ki, qrafikdə kursun kəskin düşüb qalxması vaxtında pulunu dollara çevirə bilməyənlərə şəraitin yaradıldığına işarə edir. Ehtimal olunur ki, bəzi oliqarxlar pullarını köhnə məzənnə ilə manatdan dollara çevirdiklərindən məzənnəni göstərən qrafik kəskin enib qalxır. (Marja)(azadliq)
Interpress.az
