Bu barədə məlumatı Müsavatın Suraxanı rayon Təşkilatının keçmiş sədri Rövşən Dəmirli məlumat verib. R.Dəmirli qeyd edib ki, məhkəmə prosesi Müsavat Partiyasının vəkili Osman Kazımovun müəyyən səbəblərdən gecikməsi ilə əlaqədar yubanıb: “Lakin məhkəmə baş tutdu. Prosesdə qarşılıqlı şəkildə vəsatətlər verildi. Ədliyyə Nazirliyinin nümayəndəsinin məhkəmədə iştirakı ilə bağlı hakim keçən prosesdə məsələ qaldırmışdı. Lakin təəssüf ki, nazirlikdən nümayəndə gəlmədi. Məhkəmə yanvarın 13-nə qədər təxirə salındı. Bəzi məsələlərə aydınlıq gətirilməsi ilə bağlı suallar oldu. Yəqin ki, həmin məsələlər ayın 13-dək öz həllini tapacaq və məhkəmə prosesi davam etdiriləcək”.(cebheinfo)
İnterpress.az
