İnterpress xəbər verir ki, bu barədə Gün.Az-a diplomatik mənbədən məlumat verilib.
Mənbənin sözlərinə görə, bəzi səfirliklərin bağlanması, bəzilərinin isə birləşdirlməsi gözlənilir. Buna səbəb isə həm maliyyəyə qənaət edilməsi, həm də qeyd edilən bu regionları əhatə edən bəzi səfirliklərin fəaliyyətini doğrultmamasıdır.
Qeyd edək ki, son illər Azərbaycanın bir sıra Latın Amerikası və Afrika ölkələrində yeni səfirlikləri açılıb.
Hazırda ölkəmizin Kuba, Meksika (Kolumbiya, Panama, Honduras, Peru, Kosta Rika və Qvatemala da akkreditə olunub), Argentina (Uruqvay, Çili, Boliviya və Paraqvayda da akkreditə olunub), Braziliyada (Ekvador, Surinam, Qayana və Trinidad-Tobaqoda da akkreditə olunub) səfirlikləri, ötən il Kolumbiya, Uruqvay, Çili, bu il isə Peruda diplomatik ofisləri təsis edilib. Azərbaycanda isə Kuba, Braziliya, Argentina, Meksika və Kolumbiyanın səfirlikləri fəaliyyətə başlayıb.
Həmçinin, Azərbaycanın Afrika ölkələri olan Misir, Mərakeş (Tunis, Mali, Qambiya, Portuqaliya, Seneqal və Mavritaniya akkreditə olunub), Efiopiya, Cənubi Afrika Respublikasında səfirlikləri fəaliyyət göstərir.
Əldə etdiyimiz digər məlumata görə, bu günlərdə Azərbaycan prezidentinin geri çağırdığı bir sıra ölkələrdəki səfirlərinin bəzilərin yerinə təyinat olmayacaq və həmin ölkələrdəki səfirliklərin fəaliyyəti dayandırılacaq.
İnterpress.az
