Düşmən təxribatını dəf edərkən qəhrəmancasına həlak olan Tovuz rayon Bozalqanlı kənd sakini Rahib Quliyev “Hərbi xidmətdə fərqlənməyə görə, 3-cü dərəcəli medalla” təltif olunub.
Medal bu gün şəhidin ailəsinə təqdim edilib. Şəhidin ailə üzvləri, xidmət etdiyi hərbi hissənin və rayon ictimaiyyətinin nümayəndələri iştirak etdiyi mərasimdə medal Rahib Quliyevin anasına təqdim olunub.
Natella Quliyeva övladının vətən uğrunda canından keçdiyinin qürurverici olduğunu vurğulayıb. O, medalı gələcəkdə dayısının intiqamını düşməndən alacağına söz verən nəvəsinin sinəsindən asmağı xahiş edib. 26 yaşlı zabit bu ilin fevralında şəhid olub.
İnterpress.az
