Yekaterinburqlu qadın təyyarənin göyərtəsində səmada qəfil ölüb.
İnterpress.az xəbər verir ki, bu barədə Rusiya KİV məlumat yayıb. Bildirilir ki, Yekaterinburqdan olan çoxuşaqlı ana təyyarənin göyərtəsində dünyasını dəyişib.
Qadın uşaqlarının və ərinin gözü qarşısında dünyasını dəyişib.
Anna ailəsi ilə birlikdə istirahət üçün Soçiyə uçurdu. Birdən göydə özünü pis hiss edib. Ekipaj həyəcan təbili çalıb və təyyarə Aktobe (Qazaxıstan) hava limanına məcburi eniş edib.
Yerdə 42 yaşlı sərnişini artıq həkimlər qarşılayıblar, lakin onlar yalnız onun ölümünü təsdiqləyiblər: Anna havada ölüb.
Ailənin dostları bildiriblər ki, uçuş zamanı qan laxtası (tromb) qopub. Qadının ürəyində problem olub.
Əri jurnalistlərə bildirib ki, qadının COVID-dən sonra ürəyində problem var. Bu suala son cavabı məhkəmə-tibbi ekspertizası verəcək.
Uçuşdan əvvəl Anna özünü yaxşı hiss edirdi. Uçuşdan iki saat əvvəl isə özünü pis hiss edib. Şahidlərin təsvir etdiyi kimi, hər şey bir anda baş verib.
Annanın üç övladı qalıb. Böyük qızı artıq yetkindir, o, təyyarədə olmayıb. Valideynlər 14 və 8 yaşlı kiçik uşaqları ilə tətilə uçurdular.
Xuraman Etibarlı
İnterpress.az
