İnterpress.az \”Qazeta Ru\”ya istinadən xəbər verir ki, İraqın ən böyük ikinci şəhəri olan Mosulu İŞİD-dən qurtarma əməliyyatına qatılan ABŞ əsgərlərinin sayı açıqlanıb. Hazırda cəbhədə olan Amerika əsgərlərinin sayı 5 mindən çoxdur.
Bölgədəki əsgərlərin komandiri polkovnik Brett G. Sylvia ikinci ayını dolduran və yavaş irəliləyən əməliyyatı sürətləndirmək üçün ABŞ dəstəyinin artdığını söyləyib.
İraqlı mayor Kərim Ziyab İraqlı üst səviyyə komandirlər və ABŞ-dan olan hərbi səlahiyyətlilərin iştirakı ilə ortaq bir yığıncaq keçirdiklərini söyləyib. Bildirib ki, yığıncaqda əməliyyatın bir sonrakı mərhələsi müzakirə edilib.
ABŞ-ın rəhbərliyi ilə beynəlxalq koalisiya Mosulun İŞİD-dən azad edilməsində indiyə qədər daha çox hava hücumları ilə dəstək verirdi.
İnterpress.az
