İnterpress.az xəbər verir ki, Tramp Floridada baş tutan yeni il şənliyində çıxış edərək \”Reina\” qətliamına da toxunub.
Tramp çıxışında Meksika sərhəddinə divar çəkmək xəyalını yeniləyib. Floridanın Palm Beach şəhərindəki bir gecə klubunda təşkil edilən yeni il tədbirinə 800 nəfər dəvət edilib.
Tramp çıxışında qeyd edib:
\”Güclü sərhədlərə sahib olacağıq. Beləcə, ölkəmizə gələnlər sərhəddi ancaq qanuni yollarla keçmək məcburiyyətində qalacaqlar. Vəziyyət istədiyimiz kimidir. Bir divar inşa edəcəyik. Divarlardan danışmışkən, bilmirəm, Türkiyədə baş verən hadisələrdən xəbəriniz varmı? Bu gecə Türkiyədə böyük bir fəlakət baş verib. Çox insan qətlə yetirilib. Orada böyük bir hadisə olub. Bu bir qorxu nümayişidir\”.
İnterpress.az
