İnterpress.az xəbər verir ki, Mesut Uday Səddam Hüseyn Trampdan İrandakı qohumlarının cənazələri üçün yardım istəyib.
Məktubda deyilir: \”Babası edam edilən bir nəvə kimi sizdən bir tələbim var. İranın şiə silahlılarının qaçırdığı və İranda saxladıqları qohumlarımız var. Onlardan biri də babamın qardaşı Vatban İbrahim əl-Hasan əl-Tikritidir. Bağdad həbsxanasında Vatbanı qətlə yetirdilər və meyiti həyat yoldaşına təslim etdilər. Amma şiə silahlılar cənazəni qaçırdılar və əllərində saxlayıblar. Bundan başqa, İranda Avad Həmid əl-Bəndər və Taha Yasin Ramazanın cənazələri onlardadır. İki il əvvəl silahlılar Tarık Əzizin də cənazəsini hava limanından qaçırmışdılar. Uzun mübarizədən sonra cənazəni Bağdad hava limanından İordaniyaya apara bildik. Təəssüflər olsun ki, bu gün İran digər cənazələrimizi zorla əlimizdən alır və bizə vermir\”.
Məktubunda 2003-cü ildən günahsız insanların Bağdad hökuməti tərəfindən həbsxalanarda saxlanıldığını bildirən Məsut Uday Hüseyn yazır: \”Mosulda mülki əhali \”Haşdi Şabi\” qruplaşması tərəfindən qətlə yetirilir. ABŞ bu məsələdə şiə silahlılarının mülki əhalini öldürməyəcəyi sözünü vermişdi. Amma koalisiya qüvvələri hələ də mülki əhalini bombalayır. İran cənazələri Obamanın hakimiyyəti dövründə ələ keçirib. Bu beynəlxalq hüquqa və insan haqlarına uyğun deyil. Sizin bu məsələdə həssaslıq göstərəcyinizi umuram və terrorun ən böyük dəstəkçisi İranın zorla əlində saxladığı cənazələri bizə qaytarmağa kömək edəcəyinizə inanıram\”.
İnterpress.az
