İnterpress.az xarici mətbuata istinadən xəbər verir ki, Mahmud Abbas, Almaniya prezidenti Frank-Walter Steinmeier ilə görüşməsinin ardından etdiyi şərhdə, Trump\’ın İsrail işğalı altında olan Qərb Şəriyədəki Beytüllahim şəhərinə \”yaxında edəcəyi səfəri dörd gözlə gözlədiklərini\” ifadə etdi.
Söz mövzusu ziyarətin 23 Mayda ola biləcəyi ifadə edilir. Qeyd olunur ki, Trumpın May ayında prezidentliyə gəlməsindən bu yana edəcəyi ilk xarici ziyarət çərçivəsində gedəcəyi ölkələr arasında İsrail də var.
Fələstin lideri, ABŞ-ın sülh danışıqlarını yenidən başlamaq səyləri çərçivəsində İsrail Baş naziri Binyamin Netanyahu ilə görüşməyə hazır olduğunu da sözlərinə əlavə etdi.
Abbas:- \”Trumpa onlarla əməkdaşlığa və sülhün təsisi üçün özlərinin dəstəyi altında İsrail Baş naziri ilə görüşməyə hazır olduğumuzu çatdırdıq\” dedi.
Xatırladaq ki, Abbas keçən həftə Vaşinqtonda Trump ilə bir araya gəlmişdi.
Yeri gəlmişkən, Trump keçən həftə prezident olaraq edəcəyi ilk xarici səfərdə üç səmavi dinin müqəddəs yerlərinin olduğu Səudiyyə Ərəbistanı, İsrail və Vatikana gedəcəyini açıqlamışdı.
Bu səyahətlə əlaqədar şərh əsnasında, Trump\’ın məsləhətçilərindən biri, prezidentin Qərb Şəriyəyə da səfər etməsi gözləndiyi bildirib, ancaq bunun təhlükəsizliyin təmin edilməsinə və Abbasın sülh prosesinə istiqamətli konkret addımlar atmasına bağlı olduğunu söyləmişdi.
Məlumata görə, Trump, Orta Şərq sülh prosesini yenidən başlamaq üçün yeni yollar inkişaf etdirməyə çalışır.
İnterpress.az
