İnterpress.az xəbər verir ki, bu barədə Rusiya Federasiyası Kabardino-Balkar Respublikasının Fövqəladə Hallar Nazirliyinin mətbuat xidmətinin rəhbəri Cantemir Berov məlumat verib. Onun sözlərinə görə, alpinistlər yanvarın 26-da səhər saatlarında tapılıblar.
“Alpinistlər səhər saatlarında xilasedicilər tərəfindən tapılıblar. Xilasedicilər onları Elbrusun şərq yamacında 3600 metr yüksəklikdə aşkar ediblər. Alpinistlər sağdır və hazırda xilasedicilərlə birlikdə geri qayıdırlar”, – deyə nazirlik nümayəndəsi bildirib.
Qeyd edək ki, 2 belarusiyalı alpinist Elbrus dağı istiqamətində yürüşə çıxmışdılar. Bir həftədən artıq müddətdə onlarla əlaqə yaratmaq mümkün olmayıb.
İnterpress.az
