Səbəblər isə müxtəlifdir. Əsasən də zərif cinsin nümayəndələrinin itkin düşməsi maraq doğurmağa başlayıb. Zərif cinsin nümayəndələri niyə,hansı səbəbdən evdən gedir və geri qayıtmırlar?
Ölkə.Az-ın məlumatına görə, ötən gün Bakının 3 müxtəlif rayonunda 3 qız itkin düşüb. Cəfərova Şəfiqə adlı qadın 30-cu Polis Bölməsinə ərizə ilə müraciət edərək bildirib ki, 2001-ci i təvəllüdlü qızı Cəfərzadə Fidan Adil qızı Suraxanı rayonu, Hövsan qəsəbəsi, O.Şabanov küçəsindəki mənzilindən çıxaraq şəhərə gedib və geri qayıtmayıb.
Digər analoji hadisə isə Xətai rayonunda qeydə alınıb. Afət Abbasova Xətai RPİ-nə 27 yaşlı qızının itkin düşməsi barədə məlumat verib. O, ərizəsində göstərib ki, 1991-ci il təvəllüdlü qızı, Abbasova Ayşən Cavid qızı evdən çıxıb və geri qayıtmayıb.
Yasamal rayonunda da oxşar hadisə baş verib. 29-cu Polis Bölməsinə Rzayeva Aydan Rəfiq qızının itkin düşməsi barədə ərizə daxil olub. Hazırda Bakının aidiyyatlı polis bölmələri hər 3 qızın müəyyən olunaraq tapılması istiqamətində əməliyyat-axtarış tədbirlərinə başlayıblar.
İnterpress.az
