İnterpress.az-ın “Rudav”a istinadən verdiyi xəbərə görə, 2015-ci ilin İraq gözəli seçilən Şeyma Kasımı Türkiyə mətbuatı kərkük türkü kimi təqdim etsə də, o, bu məlumatın yanlış olduğunu bildirib:
“Mətbuat mənim kərkük türkmənlərindən olduğumu deyir. Amma mən türk deyiləm, 100 faiz kürdəm. Zəngənə tayfasındanam”.
Qeyd edək ki, 20 yaşlı Şeyma Kasım Kərkük Universitetinin İdarəçilik fakultəsinin ikinci kursunda təhsil alır.
İraqlı gözəl deyib ki, dünya gözəli yarışmasına qatılmaq istəyir, amma bir şərtlə ki, çimərlik geyiminə məcburiyyət olmasın: “Mən çimərlik paltarında və ya çox açıq-saçıq geyimlərdə podium çıxmağı qəbul etmirəm. Əslində bu geyimlərə pis baxmıram, azad düşüncəli qızam. Amma bütün hallarda mən bir müsəlman xanımam və belə açıq-saçıqlığı müsəlman qadınına yaraşdırmıram”.
İnterpress.azhttps://youtube.com/watch?v=ioQkEfBcLFE
