3 mindən çox əsgərdən və ABŞ tərəfindən göndərilən döyüş gəmilərindən ibarət 26-cı Dəniz Piyadaları Ekspedisiya İşçi Qrupu Qırmızı dənizə çatıb.
Bu barədə İnterpress.az xarici mediaya istinadən xəbər verir.
İyulun 10-da Virciniya əyalətindən USS Cartel Hall desant gəmisi və təxminən 3000 əsgərdən ibarət 26-cı Dəniz Piyadaları Ekspedisiya Qrupu avqustun 6-da Qırmızı dənizə gedib.
ABŞ-ın 5-ci Donanmasının bölgədəki dəniz imkanlarının yeni əsgər və gəmilərin gəlişi ilə artacağı vurğulanıb.
İyulun 21-də ABŞ Mərkəzi Komandanlığından (CENTCOM) ABŞ-ın müdafiə naziri Lloyd Ostinin Yaxın Şərqə amfibiya gəmisi və ekspedisiya əməliyyat qrupunun göndərilməsini təsdiqlədiyi və gəmilərin yolda olduğu bildirilib.
Sözügedən addım İranın Fars körfəzindəki ticarət gəmilərinə müdaxiləsindən sonra atılıb.
ABŞ İranın iyulun əvvəlində Hörmüz boğazında iki neft tankerini ələ keçirməyə cəhd etdiyini və gəmiyə atəş açdığını açıqlayıb.
ABŞ Müdafiə Nazirliyinin (Pentaqon) iyulun 17-də verdiyi açıqlamada İranın Fars körfəzi və ətrafındakı ticarət gəmilərini ələ keçirmək cəhdlərindən sonra USS Thomas Hudner esminesi və F-35 döyüş təyyarələrinin göndərilməsinə qərar verildiyi bildirilib.
