2023-cü ilin iyul ayında Tbilisi Beynəlxalq Hava Limanı 403 474 sərnişinə xidmət göstərib ki, bu da 2019-cu ilin eyni ayının göstəricisindən 5%, 2022-ci ilin iyul ayı ilə müqayisədə isə 14% artım deməkdir.
Bu barədə İnterpress.az yerli mediaya istinadən xəbər verir.
Bildirilib ki, Batumi Beynəlxalq Hava Limanı 2023-cü ilin iyul ayında 99 803 sərnişinə xidmət göstərib ki, bu da ötən ilin eyni ayındakı göstəricidən 3% çox, 2019-cu ilin eyni dövrü ilə müqayisədə isə 1% azdır.
Qeyd edək ki, Tbilisi və Batumi xüsusən yay aylarında Azərbaycan vətəndaşlarının da daha çox səyahət etdikləri məkanlardandır.
