Naxçıvanda məktəblərə 193 mindən artıq pulsuz dərslik paylanıb.
“İnterpress.az” xəbər verir ki, muxtar respublikanın ümumtəhsil məktəblərində 2023-2024-cü tədris ilinə hazırlıq başa çatıb.
Məktəblərə 193 447 dərslik verilib. Həmçinin müəllimlər də metodik vəsaitlərlə təmin edilib.
Qeyd edək ki, Naxçıvanın ümumtəhsil məktəblərinin kitabxanaları 3 milyona qədər dərslik, 600 mindən çox latın qrafikası ilə nəşr olunan bədii ədəbiyyat və ayrı-ayrı fənlərin tədrisi üçün elektron tədris vəsaiti ilə təmin edilib.
