Britaniya İsrail-Fələstin münaqişəsi davam etdiyi üçün İsraildəki diplomatlarının ailələrini təxliyə etməyə başlayıb. Bu barədə İnterpress.az xarici mediaya istinadən xəbər verir. Ölkə mətbuatında çıxan xəbərlərə görə, Britaniya Xarici İşlər Nazirliyinin sözçüsü diplomatların ailələrinin “ehtiyat tədbiri” olaraq İsraildən təxliyə edildiyini açıqlayıb.
Sözçü İngiltərənin Təl-Əvivdəki səfirliyinin açıq qalacağını və köməyə ehtiyacı olanlara konsulluq xidmətlərinin davam etdiriləcəyini və təxliyə qərarının Böyük Britaniyanın İsrailə səyahət xəbərdarlığına uyğun olaraq alındığını bildirib.
İsraildəki ingilis diplomatların ailələrinə “ən azı 2 ay” ölkəni tərk etmələri lazım olduğu bildirilib.
Britaniya Xarici İşlər Nazirliyinin dərc etdiyi cari səyahət xəbərdarlığında İsrailə və işğal olunmuş Fələstin ərazilərinə “vacib səyahətlər istisna olmaqla” səyahət etməmək tövsiyə edilib.
ABŞ-ın Corciya ştatında hava limanında bıçaqlı hücum: 3 nəfər yaralanıb
ABŞ-ın Corciya ştatının paytaxtı Atlantada Hartsfield-Jackson Atlanta Beynəlxalq Hava Limanında qadının bıçaqla hücumu nəticəsində 3 nəfər yaralanıb. Bu barədə İnterpress.az xarici mediaya istinadən xəbər verir. Atlanta Polis Departamentindən verilən açıqlamaya görə, bir qadın, biri polis olmaqla 3 nəfərə hücum edib. Atlanta Beynəlxalq Hava Limanında məmur və taksi sürücüsünü bıçaqlayıb.
Hücum edən şəxs nəzarətə alınarkən, yaralıların vəziyyətinin kritik olmadığı bildirilib.
Hücumun səbəbləri ilə bağlı araşdırmalar davam edir.
