Gürcüstanın paytaxtı Tbilisidə, Qafqaz Beynəlxalq Universitetinin yaxınlığındakı Çarqli küçəsində yerli sakinlərlə əcnəbi tələbələr arasında baş verən fiziki qarşıdurma atışma ilə nəticələnib.
Bu barədə İnterpress.az yerli mediaya istinadən xəbər verir.
Məlumata görə, xəsarət alan olmayıb. Tərəflər arasında qarşıdurma avtomobilin səhv park edilməsi səbəbindən başlayıb.
Hazırda hadisə yerinə polis və məhkəmə-tibb ekspertləri səfərbər olunub.
İstintaqın hansı maddə ilə başladığı hələlik məlum deyil.
