Ermənistan-Rusiya münasibətləri böhran içindədir, Azərbaycan-Rusiya münasibətləri isə inkişaf edir.
İnterpress.az xəbər verir ki, bunu erməni mediasına politoloq Aleksandr İsgəndəryan deyib. O bildirib ki, Ermənistan-Rusiya münasibətləri böhran içindədir, Azərbaycan-Rusiya münasibətləri inkişaf mərhələsindədir.
“Rusiya və Ermənistanın Müdafiə və Xarici İşlər nazirlikləri arasında ümumiyyətlə əməkdaşlığın olmadığını söyləmək olmaz. Ermənistan ərazisində bir çox rus təşkilatları fəaliyyət göstərir. Məsələn, rus ordusu, rus sərhədçiləri, rus biznesi. Buna uyğun olaraq həm o, həm də digər nazirliklərlə əlaqələr var.
Ancaq böhran göz qabağındadır və uzun müddətdir, bəlkə də 2020-ci ildən bəri göz qabağındadır. Bunu bir çox parametrlər müəyyənləşdirir, əsas parametrlər 2020-ci il Qarabağ müharibəsi, Ukrayna müharibəsi və Qarabağın yox olmasıdır.
Hər iki tərəfdə məyusluq var. Ermənistan tərəfdə Rusiyanın Cənubi Qafqazda təhlükəsizlik inhisarçısı olaraq qalacağı və Ermənistan üçün təhlükəsizlik təminatçısı olacağı ilə bağlı əsassız gözləntilər var idi. Rusiya tərəfində Rusiyanın maraq dairəsi hesab etdiyi hər hansı bir dövlətdə Qərbə qısqanclıq var”, – İsgəndəryan qeyd edib.
Onun sözlərinə görə, Rusiya Federasiyasının qərb sərhədinin tamamilə bağlı olduğunu nəzərə alsaq, Azərbaycanın Rusiya üçün əhəmiyyəti artır.
O hesab edir ki, Ermənistanda Qərbə getmək istəyi kifayət qədər populyardır və daxili siyasi bazarda işləmək üçün alətdir.
“Azərbaycan heç bir sivilizasiya seçimi etmir, Qərblə, ruslarla, iranlılarla, İsraillə işləyir. Ermənistan isə həmişə qərbyönlü siyasət aparmayıb”, – İsgəndəryan vurğulayıb.
Xuraman Etibarlı
İnterpress.az
