Çin hər an Tayvana hücum edə bilər.
İnterpress.az xəbər verir ki, bu barədə “Financial Times” Tayvan Müdafiə Nazirliyindəki mənbələrə istinadən məlumat yayıb. Bildirilir ki, Xalq Azadlıq Ordusunun (AXO) hava qüvvələri və raket qüvvələri “istənilən vaxt dinc əməliyyatlardan hərbi əməliyyatlara keçə biləcək qədər təkmilləşib”.
Beləliklə, Çin ordusu daim hazırlaşır:
— Paraşütçülər Tayvanın mümkün işğalı üçün çıxış limanlarının yaxınlığında daim əməliyyatlar aparır və aviasiya bölmələri və MLRS istənilən vaxt Tayvanda istənilən nöqtəni vurmağa hazırdır;
— Çin hərbi təyyarələri ayda 200 dəfə Tayvanın hava hücumundan müdafiə identifikasiya zonasına daxil olur; beş il əvvəl belə hadisələrin sayı ondan çox deyildi;
— Tayvan ərazisində daim təxminən 12 Çin gəmisi var ki, bu da Pekinə “bir neçə saat ərzində blokadaya keçməyə” imkan verir.
Bundan əvvəl Çin Xarici İşlər Nazirliyi ada ilə birləşmənin “dayandırıla bilməyəcəyini” vurğulamışdı.
Tayvanın özü hərbi təlimlər zamanı 2027-ci ili Çin ordusunun mümkün işğalı ili olaraq təyin edib.
Xuraman Etibarlı
İnterpress.az
