Gürcüstan hakimiyyəti müxtəlif qanunların qəbulunda ABŞ-ni qabaqlamaqla fəxr edir.
İnterpress.az xəbər verir ki, bunu hakim “Gürcü Arzusu” partiyasının icraçı katibi Mamuka Mdinaradze ABŞ-da tətbiq edilən etiraz aksiyalarında maska taxmaq qadağasına münasibət bildirərkən deyib.
“Əgər kimsə sizə 10 il əvvəl desəydi ki, Gürcüstan qanun və qərarların qəbulunda bir il, iki, bir neçə ay ərzində ABŞ-ni qabaqlayacaq, siz bizə güləcəkdiz.
Bu, reallıqdır və mən sizə zəmanət verə bilərəm ki, ABŞ və Avropada gələcəkdə Gürcüstanın artıq qəbul etdiyi başqa qərarlar da veriləcək və mən şəxsən bununla fəxr edirəm”, – o deyib.
Xuraman Etibarlı
İnterpress.az
